اغاني الوسمى 2009

مالك حل

مالي حل غير إني أقفل قلبي و بابي
و أشوف شيقدر يسوي إذا طولت بغيابي
مالك حل بتلقى ناس يسلونك
مالك حل و لكن ما يحبونك
و يوم تضيق بك دنياك صدقني يملونك
مدري ليه في قربه أحس البعد في قلبه
و إذا حبه على كيفه شكراً ما نبي حبه
مالك حل بتلقى ناس يسلونك
مالك حل لكن ما يحبونك
و يوم تضيق بك دنياك صدقني يملونك
بكره الفرحه ينساها
و عينه تمتلي بماءها
يجيني يدور عيوني و ما ظني بيلقاها
مالك حل بتلقى ناس يسلونك
مالك حل و لكن ما يحبونك
و يوم تضيق بك دنياك صدقني يملونك

حيوه

حيوه دامه كسر في قلب محبوبه
شوفوه شاطر بفن الغدر و إسلوبه
دامه وعدكم صراحه حيل يستاهل
خلوه وحده بطل لا أحد يجي صوبه
ذبحني أدري و قصده بس يرضيكم
قدم جروحي مهر مع خنجر ذنوبه
كذاب هالمسأله ما جت بالصدفه
يعني الحكايه من أول يوم ملعوبه
ما يدري إني دريت و ردها عندي
باكر يجيبه زمن لا ضاقت دروبه
عز الله إني بأترك شغلي و أقعد له
أبترك الناس و أخلي دوبي بدوبه
قولوا له إني بأستمتع بتعذيبه
لو تاب في وقتها ما تنفع التوبه

كلمات : عبدالرحمن نفاع*ألحان : فيصل الراشد

العمر ما يسوى

العمر لرحت ما يسوى و الله ما يسوى
خذ روحي خذ قلبي خذ عمري يا هلي يا لي
لك حياتي يالغلا فدوه كلي لك فدوه
عشقي غرامي هيامي حبي الغالي
ولعتني سهرتني يا منيتي بحبك
دامي أنا ميت عنا بأمشي أنا بدربك
كثر ما أحبك أنا أحبك ويلي من حبك
هناني بكاني خلاني أعشق عيوبك
دنيتي تضحك لي بقربك خلني بقربك
عمري حياتي حبيبي أنا محبوبك
ولعتني سهرتني يا منيتي بحبك
دامي أنا ميت عنا بأمشي أنا بدربك
لا تروح بعيد عن عيني يا ضوى عيني
حبي جنوني و روحي فيك مجبوره
بس أشوفك تضحك سنيني يا حلو سنيني
تغلى و تحلى في عيني و قلبي و شعوره
ولعتني سهرتني يا منيتي بحبك
دامي أنا ميت عنا بأمشي أنا بدربك

كلمات : خالد البذال*ألحان : أحمد الهرمي

أعديها

على كلن بأعديها لو إنها ما دخلت راسي
لك الغلطه بأمشيها و أكذب فيك إحساسي
بصدق عذرك الواهي و بأكتم كلمه بشفاهي
عشان الود و المعروف بأشوف لوين تاليها
حاول قد ما تحاول عاملني كذا عامل
بأغمض عيني و أتجاهل
مشاعر قلبي بأخفيها
ولا أشكي ولا أبين مخليك لاهي متطمن
لا تحسبني أنا هين أنا أفهم كل ما فيها
تلف و تدور تتعبني على بالك بتخدعني
يجي لك يوم و تعرفني
يا خوفي من تواليها
بقلبي إنت الأغلى و غيرك و الله ما يحلى
يا ليت القلب لو يسلى ريحني و ينهيها

كلمات : إبراهيم بن سواد*ألحان : حسن عبدالله

العيون الجارحه

ويل قلبي من العيون الجارحه
سهمها في لبة الخافق سطا
شفتها و اصطدت منها البارحه
كنها تكشف عن القلب الغطا
عين ريم و في فلاها سارحه
يشهد الله مشيها مثل القطا
يوم مرت للعذارى شارحه
شفرق العلو عن معنى الوطا
في مكاني ما قدرت أبارحه
صرت أنا و القلب في أخذ و عطا
قلت أقرب للــ الحبيب أصراحه
و أسأله وش فيه بالوصله بطا
ليت لو شاف الطعون البارحه
سمها يخلف مسارات الخطا
و شاف نوقي في مداره مارحه
فوق وجدي و ما لها أحد ن تطا
كود يقطف من الثمار الطارحه
وين بأقدامه قبل مده وطا
و كان سلمني العيون الجارحه
و عالج الجرح اللي بقلبي سطا

كلمات : د.مانع سعيد العتيبه*ألحان : طارق المقبل

الحلوه و المره

يخون الحلوه و المره و يخليني على جمره
عجيبه شلون يتبرى و يضيع عمري و سنيني
عجيبه شلون يتخلى و يخون صويحبه و خله
رحمه بقلبه ما خلى كفايه دموع يا عيني
إذا يسوى الدمع سيلي و خل ينهدم حيلي
أصيح الويل يا ويلي ولا واحد يواسيني
أنا صابر على همي أذوب و يحترق دمي
بعد شو تريد يا عمي تبي ميت تخليني
أنا آسف على حبه لأن مثل الحجر قلبه
سكن بقليبي و تربى كبر قطع شراييني
حنين و علتي عله و أنا قلبي القهر سله
يا طاير طير له و قله ترى غرقت بساتيني

كلمات : كاظم السعدي*ألحان : وليد الشامي

اللي إيديه بالنار

اللي إيديه بالنار مو مثل اللي إيديه بالماي
يا اللي تبيني أنساك خفف علي شوي
البعد مو وقته و القلب تعبته
مهما بعدت إنته الحي يلاقي الحي
يا اللي تعبت معاك و أعطيت لك حبي
بعد السهر و الشوق تجرحني في قلبي
صعبه تجافيني يا أغلى من عيني
و لو تطلب سنيني أعطيها لك بإيدي
لو حن قلبي في يوم ما أحتار في أمري
و لو زاد فيني الشوق يخلص أنا صبري
إنت الهوى كله و حبك ولا أمله
بعدك أنا يا عمري ما يسوى عندي شي

كلمات : حامد الغرباوي*ألحان : وليد الشامي

يكفي غرامك

شورك على كيفك حبيبي مخليك
يكفي غرامك ساطي ( ن ) بالحنايا
من بد خلق الله أحبك و مغليك
غيرك ما يحلى لي لو يركض ورايا
أبشرك إني بخير دامي مخاويك
و ببقى على عهدك مادامك معايا
أحلف أنا بالله لا مر طاريك
أحس أنا فرحان و ما أحد ( ن ) سوايا
خلك قريب أرجوك ما أقوى تجافيك
يكفيني وصلك لو بهمس الشفايا
آمر تدلل يا حياتي و بأعطيك
راضي أنا بحبك و هذي الحكايا

كلمات : حمد الكعبي*ألحان : أحمد الهرمي

راعي بي الدوح

راعي بي الدوح و لا تصيحي
لو الحكي ينقش لي جراحي
مبتلي و تزيد تجريحي
و المحبه تتلف الصاحي
طار بي شوقي مع الريحي
و ألتبسني لبس الرياحي
للـ الذي شوفه تباريحي
و إنشراحي و بهجة أفراحي
ظبيني رب المياظيحي
لمجيله فيض الأبطاحي
بالمها و من ولد الأوظيحي
خذ عيون و جيت الأوضاحي
عود و مردانا ملافيحي
خامر ( ن ) بالطيب نفاحي
من خجل عنده ملاميحي
نور بدر و ضارج لاحي
أربعين و بحر وسيحي
خوخ ( ن ) و تين (ن ) و تفاحي
شوفهم راحي و ترويحي
نشوتي و راحي مع أفراحي

كلمات : محمد شريف*ألحان : فايز السعيد

أنا بدوي

يا بنت أنا لـلشمـس فـي جـــلــدي حـــروق

و عـلى سـمـــــــوم القــيظ تـزهـر حـيـــاتي

أطرد ســــراب الــلآل فــي مــــرتع النــــوق و مــن الــظــمــــــا يــجــرح لســـاني لــهــــاتي

عاري جــســد و الــليـــل هـــتّان و بـــروق دفـــــاي أنـــا و الــــبرد ســـمـــــــل الــعـــبــاتي

إن عذربوني بعض خلانـك .. صـــدوق

يا بنت أنـا عــشــــق الـخـــلا مــن صـفـــاتي

وشمٍ على رمـال (الـمتايـيــه) مـدقــــوق

لا شــــك مـــن مـنـــهم يـســــــوي ســــواتـي

أنا بدوي .. ثــــوبي عـ( المتن ) مـشـقـــــوق

و مــثــل الــجــــبال الســمـــــر صــبري ثبـــــاتـي

و مثل النخيـل خلقت أنـا و هــامـتي فـــــوق

ما إعتــدت أحـني قـامــتي إلا فـي صلاتي

ولا إفتخر بأفـعــــال يـمنــاه مــــخـلــــــوق

يـــا بـنـت أنــا فـــعــــلــي شــهــــــودة عــــداتــي

الله خلقني و كـــلمة الـحــق بــوفـــــــوق

و ملكت الارض وراس مالي..عصاتي

كلمات : الأمير بدر بن عبدالمحسن*ألحان : صالح الشهري

حال قلبي

حال قلبي في العشق مثل من قال و صدق
طول عمره ما تبخر ثم تبخر و إحترق
كنت في حالي وحيد سالي مرتاح و سعيد
قوم يا قلبي و حبه و إخذي يا عيوني الأرق
شفت يا قلبي اللي جاك يعني زين إنه نساك
بعد هذا الحب كله قال لازم نفترق

كلمات : أنور المشيري*ألحان : فايز السعيد

دبلوماسيه

دبلوماسيه عليها إسلوب يقنعني
دبلوماسيه تسايسني و تدلعني
تسألني إذا زعلان أو راضي
و تسألني إذا مشغول أو فاضي
و تبدأ عاد تقول اللي تبي تقوله
بهـ اللحظه تطول اللي تبي تطوله
لو أنا الغلطان في رايي تطاوعني
معايا لآخر الموضوع و ما تقاطعني
تسألني إذا زعلان أو راضي
و تسألني إذا مشغول أو فاضي
و لما أحس بالغلطه أبتلى تضحك
و تقلب جونا كله رومانسيه
تكبرها سوالفها دايم بعيني
و أكبر همها تراعيني و تراضيني
تسألني إذا زعلان أو راضي
و تسألني إذا مشغول أو فاضي
و تعرف كيف تتعامل معي بكل حال
على قلبي عسل وما مثلها بنيه

كلمات : منصور الفضلي*ألحان : عبدالقادر الهدهود

كل الشكر ..لج يا الاماني
على الاغاني والاختيار الحلو
احلى اغنيه بينهم وتعجبني اكثر
العمر ما يسوى

واصلي

مشكوووووووووووووووووره

لا شكر على واجب

تسلمين يا بعد عمري
على الاغاني

ثاااااانكيـــــوووو

يسلــــــــــــــمووو ع الأغااني الحلووووه

ننتظر جديدج

امووووووووت على اغاني الوسمي وشكرا على طرحج

العفو ياعمري
وشكرا على مروركم

كل الشكر لج يالاماني على الاغاني الحلوة
وتسلمين ويعطيج الف عافيه

شكر على مروركم الحلو

» اغاني فيصل الجاسم
» اغاني راشد الماجد